ایران میں ایک اور اسرائیلی جاسوس کو پھانسی

ایرانی حکام کے مطابق ایران میں ایک اور اسرائیلی جاسوس کو پھانسی دے دی گئی۔ یہ شخص اسرائیلی خفیہ ایجنسی موساد کے لیے ایران کے اندر معلومات اکٹھی کر رہا تھا۔ عدالتی ذرائع کا کہنا ہے کہ مجرم پر جاسوسی کے واضح ثبوت موجود تھے۔

میزان نیوز ایجنسی نے رپورٹ کیا کہ پھانسی پانے والا شخص موساد سے منسلک تھا اور ایران کی خفیہ معلومات اسرائیل کو دے رہا تھا۔ اس نے مختلف مواقع پر موساد کے افسران سے ملاقاتیں بھی کیں۔

عرب میڈیا نے پراسیکیوٹر کاظم موسوی کے حوالے سے بتایا کہ ملزم صیہونی حکومت کے ساتھ براہ راست رابطے میں تھا۔ وہ کئی عرصے سے موساد کے لیے جاسوسی کر رہا تھا اور حساس معلومات فراہم کر رہا تھا۔

مزید پڑھیں: غیر ملکی اسٹیلتھ طیارے چینی حدود سے نکلنے پر مجبور

ایرانی حکام کا کہنا ہے کہ انٹیلی جنس اور سیکیورٹی اداروں نے بروقت کارروائی کرتے ہوئے جاسوس کو شناخت کیا، گرفتار کیا اور اس کے ذریعے مزید معلومات کے افشا ہونے کو روکا۔

سرکاری ذرائع کے مطابق ایران میں ایک اور اسرائیلی جاسوس کو پھانسی دے دی گئی، اور یہ پہلا واقعہ نہیں۔ ایران اس سے قبل بھی کئی اسرائیلی ایجنٹوں کو سزائے موت دے چکا ہے تاکہ قومی سلامتی کو محفوظ رکھا جا سکے۔